Los Estatutos de l’Asociación Cultural La Caleya establecen que los fines de la mesma son la promoción de tódolos rasgos de la cultura propia de Llión incluyendo cumo un aspectu principal d’ella la Llengua Llionesa.
La Constitución Española no sou Artículu 3u, referíu a tódalas llenguas ou idiomas d’España, diz que «La riqueza de las distintas modalidaes llingüísticas d’España ye un padremuñu cultural que será oxetu d’especial respetu y protección».
El nuevu Estatutu d’Autonomía de Castiella y Llión diz no sou artículu 5.2 que «el Llionés será oxetu de protección específica por parte de las instituciones pol sou particular valor dientro del padremuñu llingüísticu de la Comunidá. La súa protección, usu y promoción será oxetu de regulación».
Cumo una humilde y cenciella pero necesaria y imperativa contribución a esti llabor, l’Asociación Cultural La Caleya convoca esti CERTAME DE RELLATOS CURTIOS, acordias conas siguientes:
BASES
1. Pueden participar tódolos ciudadanos de la Unión Europea qu’asina quieran con un máximu de dúas obras por autor.
2. Los rellatos han de tar escritos en Llionés; almítense los trabayos escritos en cualquiera de las variedaes dialectales del dominiu llingüísticu asturllionés.
3. El tema, nesta primer convocatoria, ye llibre y la obra ha de ser orixinal, inédita y non galardonada anteriormente en nengún concursu lliterariu nin con outru premiu o distinción.
4. El xéneru ye la Narrativa (rellatu, cuentu, prosa poética, memoria, carta, diariu, etc.)
5. La extensión máxima de los rellatos será de 10 páxinas.
Testu completo: bases 2007.pdf